Oroitzapenetan murgilduz (2)

“Oparia jaso ondoren, aurrean duen mutikoari musu bat eman dio esker modura. Honek harrituta, masailean sentitu ditu bere ezpain bigun eta bustiak. Gustuko du hauen ukitzea bere masail gorrietan, eta honek sortutako kilimek ihes egin ez dezaten eskuaz heldu ditu. Elkarri begira jarraitu dute hodeien mundu perfektuan, batak lorea eskuan besteak eskua masailean. Ez dakite oraindik zeinen zoriontsu diren. Haurtzaroan sentimendu goxoenek eragiten dutena ezezaguna baita, betirako galtzen direla ohartzen gareneko hutsunea bezala.”